யாழ். குடாநாட்டில் கோஷ்டி மோதல்கள், குழுவினருக்கிடையிலான சண்டைகள் உட்பட வன்முறைச் சம்பவங்கள் அதிகரித்து வருகின்றன.
யுத்த காலத்தின் போது குடாநாட்டில் சமூகங்கள் மத்தியில் ஒழுக்கச்சீர்கேடான நடவடிக்கைகள் இடம் பெற்றிருக்கவில்லை.
ஆனால் யுத்தம் நிறைவடைந்து தற்போது அமைதி திரும்பியுள்ள நிலையில் குடாநாட்டில் இவ்வாறான சம்பவங்கள் பெருகிவருகின்றமை அப்பகுதி மக்கள் மத்தியில் பெரும் கவலையை ஏற்படுத்தியிருக்கிறது.
நாள்தோறும் குழுக்களுக்கிடையிலான மோதல்களும் வன்முறைச்சம்பவங்களும் அதிகரித்து வருகின்றன. கொள்ளை, பாலியல் வல்லுறவு உட்பட கலாசார சீரழிவுகளை நோக்கி யாழ். குடாநாடு சென்று கொண்டிருக்கின்றது.
யாழ்ப்பாணம், மானிப்பாய் சுதுமலைப்பகுதியில் கடந்த சனிக்கிழமை இரவு இசை நிகழ்ச்சியொன்றுக்கு சென்று விட்டு திரும்பிக்கொண்டிருந்த யாழ். பல்கலைக்கழக மாணவர்கள் 9 பேர் மீது மோட்டார் சைக்கிள்களில் வந்த கோஷ்டியொன்று நடத்திய வாள்வெட்டுத் தாக்குதலில் மாணவன் ஒருவரது கை துண்டானதுடன் மேலும் இரு மாணவர்கள் படுகாயமடைந்துள்ளனர்.
இந்தக் கொலை வெறிக்கும்பல் இந்த தாக்குதல் நடத்தும்போது மாணவர்களில் சிலர் தப்பியோடிவிடவே மூன்று மாணவர்கள் அந்த வாள்வெட்டுக்கு இலக்காகியுள்ளனர்.
பல்கலைக்கழகத்தில் கலைப்பீடத்தில் இரண்டாம் வருடத்தில் கல்விகற்கும் வவுனியா மாவட்டத்தை சேர்ந்த முரளிதரன் என்ற மாணவனின் கையே துண்டாடப்பட்டுள்ளது.
அவர் பலத்த வெட்டுக்காயங்களுக்கு இலக்காகியுள்ளார். அதே பீடத்தில் கல்வி கற்கும் வவுனியாவைச் சேர்ந்த ரஜீபன் மற்றும் முல்லைத்தீவை சேர்ந்த ஜெபதர்ஷன் ஆகியோரும் இந்த வாள் வெட்டு சம்பவத்தில் காயமடைந்துள்ளனர்.
இந்த வாள் வெட்டு சம்பவத்திற்கு இலக்காகி கீழே விழுந்த மாணவன் ஒருவருக்கு அருகில் வந்த அந்தக் கும்பலைச் சேர்ந்த ஒருவர் காயமடைந்த மாணவனின் தலைக்கவசத்தை கழற்றுமாறு கடுமையாக மிரட்டியுள்ளார்.
இதனையடுத்து மாணவன் தலைக்கவசத்தைக் கழற்றியபோது தாங்கள் வெட்டுவதற்காக வந்தவர்கள் இவர் இல்லை எனத் தெரிவித்து விட்டு அந்தக் கும்பல் அவ்விடத்தை விட்டு சென்றுள்ளது.
இந்தச்சம்பவத்தை அடுத்து யாழ். பல்கலைக்கழக கலைப்பீட மாணவர்கள் நேற்று முன்தினம் முதல் வகுப்பு பகிஷ்கரிப்பில் ஈடுபட்டுள்ளனர்.
தாக்குதல் நடத்தியவர்களை கைது செய்ய நடவடிக்கை எடுக்குமாறு கோரியும் யாழ்ப்பாணத்தில் இடம் பெற்று வரும் கோஷ்டி மோதல்கள், வாள்வெட்டுச் சம்பவங்களை உடனடியாக தடுத்து நிறுத்தக் கோரியுமே மாணவர்கள் ஆர்ப்பாட்டத்தில் ஈடுபட்டதுடன் வகுப்பு பகிஷ்கரிப்பிலும் ஈடுபட்டுள்ளனர்.
இதேபோல் யாழ்ப்பாணம், பருத்தித்துறை, அல்வாய்ப்பகுதியில் கடந்த சனிக்கிழமை குடும்பஸ்தர் ஒருவர் அடித்துக்கொல்லப்பட்டுள்ளார். அல்வாய் கிராமத்தை சேர்ந்த சின்னத்தம்பி திருச்செல்வம் (வயது 46) என்ற இரண்டு பிள்ளைகளின் தந்தையே இவ்வாறு அடித்துக் கொல்லப்பட்டவராவார்.
குறித்த கொலை சம்பவத்தினை அப்பகுதியில் இயங்கி வரும் குழுவொன்றே மேற்கொண்டதாக குற்றம் சாட்டப்படுகின்றது.
இந்தக் கொலைச்சம்பவத்தை கண்டித்தும் சம்பவத்தில் ஈடுபட்ட குழுவினரை கைது செய்யுமாறு வலியுறுத்தியும் நேற்று முன்தினம் இப்பகுதி மக்கள் ஆர்ப்பாட்டத்தில் ஈடுபட்டனர்.
இந்த மக்கள் உயிரிழந்தவரின் சடலத்துடன் அவருடைய வீட்டிலிருந்து அல்வாய் நாவலடி பகுதிவரை ஊர்வலமாக வந்து ஆர்ப்பாட்டத்தில் ஈடுபட்டுள்ளனர்.
இவ்வாறு குடாநாட்டில் கடந்த சனிக்கிழமை மட்டும் இத்தகைய இரண்டு வன்முறைச்சம்பவங்கள் இடம் பெற்றிருக்கின்றன. 2009 ஆம் ஆண்டு மே மாதம் யுத்தம் முடிவுக்குக் கொண்டுவரப்பட்டதையடுத்து வடக்கில் இடம் பெயர்ந்த மக்கள் படிப்படியாக மீள குடியேற்றப்பட்டு வந்தனர்.
இவ்வாறான நிலையிலேயே யாழ். குடாநாட்டில் இத்தகைய குழுச்சண்டைகள் மற்றும் கொள்ளைச்சம்பவங்கள், பாலியல் வல்லுறவுச் சம்பவங்கள் போன்றன அதிகரித்து வந்தன.
தற்போது அந்த நிலைமை மிக மோசமாக மாறியிருப்பதை காணக்கூடியதாக இருக்கின்றது. கடந்த சில மாதங்களுக்கு முன்னர் யாழ். குடாநாட்டில் ஆவா குழு உட்பட பல குழுக்களின் செயற்பாடுகளின் தொடர்பில் அறியவந்திருந்தது.
பொலிஸார் இந்தக்குழுக்களின் உறுப்பினர்கள் பலரை கைதுசெய்தும் இருந்தனர். கடந்த ஐக்கிய மக்கள் சுதந்திர முன்னணி அரசாங்க காலத்தில் குடாநாடு உட்பட வடமாகாணத்தில் தமிழ் மக்களின் கலாசார பாரம்பரியங்களை திட்டமிட்ட வகையில் அழிக்கும் செயற்பாடுகள் இடம் பெற்று வந்ததாகவும் குற்றச்சாட்டுக்கள் எழுந்திருந்தன.
குடாநாட்டில் செயற்பட்டு வந்த குழுக்களின் பின்னணியில் படைத்தரப்பினரின் பிரசன்னம் இருந்ததாகவும் சந்தேகங்கள் தெரிவிக்கப்பட்டு வந்தன.
தற்போது அவ்வாறான நிலை இல்லாத போதிலும், குழுக்களுக்கிடையிலான சண்டைகள், கோஷ்டி மோதல்கள் மற்றும் கலாசாரத்தை சீரழிக்கும் வகையில் எடுக்கப்படும் நடவடிக்கைகள் என்பவற்றை கட்டுப்படுத்த உரிய நடவடிக்கைகள் எடுக்கப்படவில்லை என்ற குற்றச்சாட்டு எழுந்திருக்கின்றது.
குடாநாட்டில் தொடரும் இத்தகைய வன்முறைச்சம்பவங்களானது அங்கு வாழும் மக்கள் மத்தியில் பெரும் பய பீதியை ஏற்படுத்தி வருகின்றது. எந்த நேரத்தில் என்ன நடக்கும் என்று சாதாரண பொதுமக்கள் பயந்து வாழ வேண்டிய சூழ்நிலை உருவாகியிருக்கின்றது.
யுத்தத்திற்கு முன்னர் குடாநாட்டில் இவ்வாறான கோஷ்டி மோதல்களும் சண்டித்தனக் கலாசாரமும் இருந்தே வந்தது. ஆனால் தமிழ் இளைஞர்கள் ஆயுதமேந்திய போராட்டத்தை தொடங்கியதையடுத்து இத்தகைய சமூகங்களிடையிலான மோதல்கள், குழுக்களுக்கிடையிலான சண்டித்தனங்களுக்கு முற்றுப்புள்ளி வைக்கப்பட்டிருந்தது.
வடக்கு, கிழக்குப் பகுதியினை தமிழீழ விடுதலைப்புலிகள் தமது கட்டுப்பாட்டுக்குள் வைத்திருந்த வேளையில் இத்தகைய சம்பவங்கள் இடம் பெறவே இல்லை.
ஆனால் தற்போதைய சூழ்நிலையில் கோஷ்டி சண்டைகளும் சண்டித்தனக்கலாசாரங்களும் குடாநாட்டை ஆக்கிரமித்துள்ளன. தற்போதைய நிலையில் இவ்வாறான சண்டித்தனங்களுக்கு அனுமதி அளிக்கப்படுமானால் குடாநாடு கெட்டு குட்டிச்சுவராவதை தடுக்க முடியாது போய்விடும்.
இத்தகைய சம்பவங்களை தடுத்து பாதுகாப்பை உறுதிப்படுத்த வேண்டியது பொலிஸாரினதும் சட்டத்துறையினதும் கடமையாகவே உள்ளது. குடாநாட்டைப் பொறுத்தவரையில் பொலிஸார் இத்தகைய கோஷ்டி மோதல்களில், வன்முறைகளில் ஈடுபடுபவர்களுக்கு எதிராக கடும் நடவடிக்கைகளை எடுக்க வேண்டும்.
குடாநாட்டில் பல்கலைக்கழக மாணவர்கள், பொதுமக்கள் மீதான தொடர்ச்சியான தாக்குதல் சம்பவங்களும் இடம் பெற்று வருகின்றன. இந்தத் தாக்குதல்களின் பின்னணியில் சமூக விரோத கும்பல்களின் பின்னணி காணப்படுவதாக குற்றம்சாட்டப்படுகின்றது. இத்தகைய சம்பவங்களினால் குடாநாட்டு மக்களின் கலாசாரங்கள் திட்டமிட்டு அழிக்கப்படுகின்றன.
கடந்த ஆட்சிக்காலத்தின் போது குடாநாட்டில் போதைவஸ்துப் பாவனை மற்றும் மதுபாவனையும் அதிகரிக்கப்பட்டுள்ளது. பாடசாலைகளுக்கு அருகில் போதைவஸ்து விற்பனை தொடக்கம் கலாசாரத்தைப் பாதிக்கும் பல்வேறு விடயங்கள் இடம்பெற்றதாகவும் முறைப்பாடுகள் தெரிவிக்கப்பட்டு வந்தன.
குடாநாட்டில் போதைவஸ்துப்பாவனை அதிகரிக்கப்பட்ட போதிலும், அதன் விநியோகத்தை தடுப்பதில் உரிய நடவடிக்கைகள் எடுக்கப்பட்டிருக்கவில்லை என்றும் பொது அமைப்புக்கள் குற்றம் சுமத்திவந்தன.
திட்டமிட்ட வகையில் வடக்கில் தமிழ் இளைஞர், யுவதிகளின் உணர்வுகளை குன்றச்செய்து அவர்களை போதைவஸ்துக்கும், மதுபாவனைக்கும் அடிமைகளாக்கும் வகையில் அதற்கான சூழல் ஏற்படுத்தப்படுகின்றதோ என்ற சந்தேகமும் அன்றைய காலப்பகுதியில் எழுந்திருந்தது.
இந்த நிலை தொடர்வதற்கு அனுமதிக்க முடியாது. குடாநாட்டில் போதைவஸ்துப் பாவனை அதிகரிக்கப்பட்டமையும் அங்கு வன்முறை கலாசாரம் கட்ட விழ்த்துவிடப்படுவதற்கு ஒரு காரணமாக அமைந்திருக்கின்றது.
எனவே எதிர்காலத்தில் யாழ். குடாநாட்டில் போதைவஸ்துப் பாவனைகளை கட்டுப்படுத்துவதற்கும் கோஷ்டிமோதல்கள், குழுக்களுக்கிடையிலான வன்முறைகள், சமூகங்களுக்கிடையிலான முரண்பாடுகள் என்பவற்றை கட்டுப்பாட்டுக்குள் கொண்டுவரும் வகையில் சகல தரப்பினரும் ஒன்றிணைந்து செயற்படவேண்டும்.
இதன் மூலமே சிறந்த சமூக கட்டமைப்பை குடாநாட்டில் கட்டி யெழுப்ப முடியும் என்பதை வலியுறுத்த விரும்புகின்றோம்.
யுத்த காலத்தின் போது குடாநாட்டில் சமூகங்கள் மத்தியில் ஒழுக்கச்சீர்கேடான நடவடிக்கைகள் இடம் பெற்றிருக்கவில்லை.
ஆனால் யுத்தம் நிறைவடைந்து தற்போது அமைதி திரும்பியுள்ள நிலையில் குடாநாட்டில் இவ்வாறான சம்பவங்கள் பெருகிவருகின்றமை அப்பகுதி மக்கள் மத்தியில் பெரும் கவலையை ஏற்படுத்தியிருக்கிறது.
நாள்தோறும் குழுக்களுக்கிடையிலான மோதல்களும் வன்முறைச்சம்பவங்களும் அதிகரித்து வருகின்றன. கொள்ளை, பாலியல் வல்லுறவு உட்பட கலாசார சீரழிவுகளை நோக்கி யாழ். குடாநாடு சென்று கொண்டிருக்கின்றது.
யாழ்ப்பாணம், மானிப்பாய் சுதுமலைப்பகுதியில் கடந்த சனிக்கிழமை இரவு இசை நிகழ்ச்சியொன்றுக்கு சென்று விட்டு திரும்பிக்கொண்டிருந்த யாழ். பல்கலைக்கழக மாணவர்கள் 9 பேர் மீது மோட்டார் சைக்கிள்களில் வந்த கோஷ்டியொன்று நடத்திய வாள்வெட்டுத் தாக்குதலில் மாணவன் ஒருவரது கை துண்டானதுடன் மேலும் இரு மாணவர்கள் படுகாயமடைந்துள்ளனர்.
இந்தக் கொலை வெறிக்கும்பல் இந்த தாக்குதல் நடத்தும்போது மாணவர்களில் சிலர் தப்பியோடிவிடவே மூன்று மாணவர்கள் அந்த வாள்வெட்டுக்கு இலக்காகியுள்ளனர்.
பல்கலைக்கழகத்தில் கலைப்பீடத்தில் இரண்டாம் வருடத்தில் கல்விகற்கும் வவுனியா மாவட்டத்தை சேர்ந்த முரளிதரன் என்ற மாணவனின் கையே துண்டாடப்பட்டுள்ளது.
அவர் பலத்த வெட்டுக்காயங்களுக்கு இலக்காகியுள்ளார். அதே பீடத்தில் கல்வி கற்கும் வவுனியாவைச் சேர்ந்த ரஜீபன் மற்றும் முல்லைத்தீவை சேர்ந்த ஜெபதர்ஷன் ஆகியோரும் இந்த வாள் வெட்டு சம்பவத்தில் காயமடைந்துள்ளனர்.
இந்த வாள் வெட்டு சம்பவத்திற்கு இலக்காகி கீழே விழுந்த மாணவன் ஒருவருக்கு அருகில் வந்த அந்தக் கும்பலைச் சேர்ந்த ஒருவர் காயமடைந்த மாணவனின் தலைக்கவசத்தை கழற்றுமாறு கடுமையாக மிரட்டியுள்ளார்.
இதனையடுத்து மாணவன் தலைக்கவசத்தைக் கழற்றியபோது தாங்கள் வெட்டுவதற்காக வந்தவர்கள் இவர் இல்லை எனத் தெரிவித்து விட்டு அந்தக் கும்பல் அவ்விடத்தை விட்டு சென்றுள்ளது.
இந்தச்சம்பவத்தை அடுத்து யாழ். பல்கலைக்கழக கலைப்பீட மாணவர்கள் நேற்று முன்தினம் முதல் வகுப்பு பகிஷ்கரிப்பில் ஈடுபட்டுள்ளனர்.
தாக்குதல் நடத்தியவர்களை கைது செய்ய நடவடிக்கை எடுக்குமாறு கோரியும் யாழ்ப்பாணத்தில் இடம் பெற்று வரும் கோஷ்டி மோதல்கள், வாள்வெட்டுச் சம்பவங்களை உடனடியாக தடுத்து நிறுத்தக் கோரியுமே மாணவர்கள் ஆர்ப்பாட்டத்தில் ஈடுபட்டதுடன் வகுப்பு பகிஷ்கரிப்பிலும் ஈடுபட்டுள்ளனர்.
இதேபோல் யாழ்ப்பாணம், பருத்தித்துறை, அல்வாய்ப்பகுதியில் கடந்த சனிக்கிழமை குடும்பஸ்தர் ஒருவர் அடித்துக்கொல்லப்பட்டுள்ளார். அல்வாய் கிராமத்தை சேர்ந்த சின்னத்தம்பி திருச்செல்வம் (வயது 46) என்ற இரண்டு பிள்ளைகளின் தந்தையே இவ்வாறு அடித்துக் கொல்லப்பட்டவராவார்.
குறித்த கொலை சம்பவத்தினை அப்பகுதியில் இயங்கி வரும் குழுவொன்றே மேற்கொண்டதாக குற்றம் சாட்டப்படுகின்றது.
இந்தக் கொலைச்சம்பவத்தை கண்டித்தும் சம்பவத்தில் ஈடுபட்ட குழுவினரை கைது செய்யுமாறு வலியுறுத்தியும் நேற்று முன்தினம் இப்பகுதி மக்கள் ஆர்ப்பாட்டத்தில் ஈடுபட்டனர்.
இந்த மக்கள் உயிரிழந்தவரின் சடலத்துடன் அவருடைய வீட்டிலிருந்து அல்வாய் நாவலடி பகுதிவரை ஊர்வலமாக வந்து ஆர்ப்பாட்டத்தில் ஈடுபட்டுள்ளனர்.
இவ்வாறு குடாநாட்டில் கடந்த சனிக்கிழமை மட்டும் இத்தகைய இரண்டு வன்முறைச்சம்பவங்கள் இடம் பெற்றிருக்கின்றன. 2009 ஆம் ஆண்டு மே மாதம் யுத்தம் முடிவுக்குக் கொண்டுவரப்பட்டதையடுத்து வடக்கில் இடம் பெயர்ந்த மக்கள் படிப்படியாக மீள குடியேற்றப்பட்டு வந்தனர்.
இவ்வாறான நிலையிலேயே யாழ். குடாநாட்டில் இத்தகைய குழுச்சண்டைகள் மற்றும் கொள்ளைச்சம்பவங்கள், பாலியல் வல்லுறவுச் சம்பவங்கள் போன்றன அதிகரித்து வந்தன.
தற்போது அந்த நிலைமை மிக மோசமாக மாறியிருப்பதை காணக்கூடியதாக இருக்கின்றது. கடந்த சில மாதங்களுக்கு முன்னர் யாழ். குடாநாட்டில் ஆவா குழு உட்பட பல குழுக்களின் செயற்பாடுகளின் தொடர்பில் அறியவந்திருந்தது.
பொலிஸார் இந்தக்குழுக்களின் உறுப்பினர்கள் பலரை கைதுசெய்தும் இருந்தனர். கடந்த ஐக்கிய மக்கள் சுதந்திர முன்னணி அரசாங்க காலத்தில் குடாநாடு உட்பட வடமாகாணத்தில் தமிழ் மக்களின் கலாசார பாரம்பரியங்களை திட்டமிட்ட வகையில் அழிக்கும் செயற்பாடுகள் இடம் பெற்று வந்ததாகவும் குற்றச்சாட்டுக்கள் எழுந்திருந்தன.
குடாநாட்டில் செயற்பட்டு வந்த குழுக்களின் பின்னணியில் படைத்தரப்பினரின் பிரசன்னம் இருந்ததாகவும் சந்தேகங்கள் தெரிவிக்கப்பட்டு வந்தன.
தற்போது அவ்வாறான நிலை இல்லாத போதிலும், குழுக்களுக்கிடையிலான சண்டைகள், கோஷ்டி மோதல்கள் மற்றும் கலாசாரத்தை சீரழிக்கும் வகையில் எடுக்கப்படும் நடவடிக்கைகள் என்பவற்றை கட்டுப்படுத்த உரிய நடவடிக்கைகள் எடுக்கப்படவில்லை என்ற குற்றச்சாட்டு எழுந்திருக்கின்றது.
குடாநாட்டில் தொடரும் இத்தகைய வன்முறைச்சம்பவங்களானது அங்கு வாழும் மக்கள் மத்தியில் பெரும் பய பீதியை ஏற்படுத்தி வருகின்றது. எந்த நேரத்தில் என்ன நடக்கும் என்று சாதாரண பொதுமக்கள் பயந்து வாழ வேண்டிய சூழ்நிலை உருவாகியிருக்கின்றது.
யுத்தத்திற்கு முன்னர் குடாநாட்டில் இவ்வாறான கோஷ்டி மோதல்களும் சண்டித்தனக் கலாசாரமும் இருந்தே வந்தது. ஆனால் தமிழ் இளைஞர்கள் ஆயுதமேந்திய போராட்டத்தை தொடங்கியதையடுத்து இத்தகைய சமூகங்களிடையிலான மோதல்கள், குழுக்களுக்கிடையிலான சண்டித்தனங்களுக்கு முற்றுப்புள்ளி வைக்கப்பட்டிருந்தது.
வடக்கு, கிழக்குப் பகுதியினை தமிழீழ விடுதலைப்புலிகள் தமது கட்டுப்பாட்டுக்குள் வைத்திருந்த வேளையில் இத்தகைய சம்பவங்கள் இடம் பெறவே இல்லை.
ஆனால் தற்போதைய சூழ்நிலையில் கோஷ்டி சண்டைகளும் சண்டித்தனக்கலாசாரங்களும் குடாநாட்டை ஆக்கிரமித்துள்ளன. தற்போதைய நிலையில் இவ்வாறான சண்டித்தனங்களுக்கு அனுமதி அளிக்கப்படுமானால் குடாநாடு கெட்டு குட்டிச்சுவராவதை தடுக்க முடியாது போய்விடும்.
இத்தகைய சம்பவங்களை தடுத்து பாதுகாப்பை உறுதிப்படுத்த வேண்டியது பொலிஸாரினதும் சட்டத்துறையினதும் கடமையாகவே உள்ளது. குடாநாட்டைப் பொறுத்தவரையில் பொலிஸார் இத்தகைய கோஷ்டி மோதல்களில், வன்முறைகளில் ஈடுபடுபவர்களுக்கு எதிராக கடும் நடவடிக்கைகளை எடுக்க வேண்டும்.
குடாநாட்டில் பல்கலைக்கழக மாணவர்கள், பொதுமக்கள் மீதான தொடர்ச்சியான தாக்குதல் சம்பவங்களும் இடம் பெற்று வருகின்றன. இந்தத் தாக்குதல்களின் பின்னணியில் சமூக விரோத கும்பல்களின் பின்னணி காணப்படுவதாக குற்றம்சாட்டப்படுகின்றது. இத்தகைய சம்பவங்களினால் குடாநாட்டு மக்களின் கலாசாரங்கள் திட்டமிட்டு அழிக்கப்படுகின்றன.
கடந்த ஆட்சிக்காலத்தின் போது குடாநாட்டில் போதைவஸ்துப் பாவனை மற்றும் மதுபாவனையும் அதிகரிக்கப்பட்டுள்ளது. பாடசாலைகளுக்கு அருகில் போதைவஸ்து விற்பனை தொடக்கம் கலாசாரத்தைப் பாதிக்கும் பல்வேறு விடயங்கள் இடம்பெற்றதாகவும் முறைப்பாடுகள் தெரிவிக்கப்பட்டு வந்தன.
குடாநாட்டில் போதைவஸ்துப்பாவனை அதிகரிக்கப்பட்ட போதிலும், அதன் விநியோகத்தை தடுப்பதில் உரிய நடவடிக்கைகள் எடுக்கப்பட்டிருக்கவில்லை என்றும் பொது அமைப்புக்கள் குற்றம் சுமத்திவந்தன.
திட்டமிட்ட வகையில் வடக்கில் தமிழ் இளைஞர், யுவதிகளின் உணர்வுகளை குன்றச்செய்து அவர்களை போதைவஸ்துக்கும், மதுபாவனைக்கும் அடிமைகளாக்கும் வகையில் அதற்கான சூழல் ஏற்படுத்தப்படுகின்றதோ என்ற சந்தேகமும் அன்றைய காலப்பகுதியில் எழுந்திருந்தது.
இந்த நிலை தொடர்வதற்கு அனுமதிக்க முடியாது. குடாநாட்டில் போதைவஸ்துப் பாவனை அதிகரிக்கப்பட்டமையும் அங்கு வன்முறை கலாசாரம் கட்ட விழ்த்துவிடப்படுவதற்கு ஒரு காரணமாக அமைந்திருக்கின்றது.
எனவே எதிர்காலத்தில் யாழ். குடாநாட்டில் போதைவஸ்துப் பாவனைகளை கட்டுப்படுத்துவதற்கும் கோஷ்டிமோதல்கள், குழுக்களுக்கிடையிலான வன்முறைகள், சமூகங்களுக்கிடையிலான முரண்பாடுகள் என்பவற்றை கட்டுப்பாட்டுக்குள் கொண்டுவரும் வகையில் சகல தரப்பினரும் ஒன்றிணைந்து செயற்படவேண்டும்.
இதன் மூலமே சிறந்த சமூக கட்டமைப்பை குடாநாட்டில் கட்டி யெழுப்ப முடியும் என்பதை வலியுறுத்த விரும்புகின்றோம்.